Təsvir:
08 İyul 2024-cü ildə Naftalan şəhərində Nafta Sanatoriyanın açılıdı. Otel Naftalan şəhərinin mərkəzi küçəsində, hər tərəfdən yaşıllıq və geniş parklarla əhatə olunub.
Nafta Sanatoriyası 4* kateqoriyasındadır. Otel binası 11 mərtəbəlidir. Əlavə olaraq -1 ci mərtəbədə geniş fizioprosedur mərkəzi, masaj və duz otağı, hidrokolonoterapiya , fito-boçka, yodbrom, karbon vannası, 4 kameralı naftalan vannası , hidromasaj və spa zonası yerləşir. 19 fizioprosedur kabini mövcuddur , hər fizioaparatdan ən azı 2 saydadır. Bu isə poliklinika sahəsində növbə yaratmadan vaxtında və keyfiyyətli müalicəyə şərait yaradır. Eyni kateqoriya otellərindən fərqli olaraq yalnız Nafta Sanatoriyasında 4 kameralı naftalan vannası, karbon vannası və hidromasaj terapiyası aparılır.
Həmçinin bu mərtəbədə istirahətinizə rəng qatacaq Disco Bar mövcuddur. “Disco Bar” qonaqlara dadlı А la carte menu, müxtəlif içkilər, zövqlü canlı musiqi dinləmə imkanı, billiard zonası, karaoke və s. xidmətləri təklif edir. Geniş və müasir dizaynı burda əyləşən qonaqların zövqünü oxşayacaq.
11-ci mərtəbədə isə gözəl mənzərəyə açılan Fitness zalı xidmətinizdədir. Zalda yüksək səviyyəli idman alətləri istifadə edə bilərsiniz.
Nafta Sanatoriyasında 3 kateqoriyadan ibarət 78 otaq mövcuddur: Standart Room, Deluxe Room və Junior Suite. Otaqlarda kondisioner, Led Tv ,pulsuz WIFI xidməti, seyf , mini soyuducu , elektrik çayniki, fen, mərkəzi isitmə sistemi və s var.
Nafta Sanatoriyası müalicə alan qonaqlar üçün yüksək səviyyədə xidmət təklif edir. Otelin poliklinika şöbəsində 5 kişi və 5 qadın vannası olaraq 10 naftalan vannası zonası mövcuddur. Bu şöbədə hər bir tibb əməkdaşı sertifikasiyadan keçmiş , savadlı və naftalanla müalicə sahəsində illərlə təcrübəsi olan həkim və tibbi personal işləyir. Sanatoriyada terapevt, kardioloq, uroloq, ginekoloq, USM, EKQ , laboratoriya həkimləri fəaliyyət göstərir.
Restoran şöbəsi Nafta Sanatoriyanın müasir dizaynla hazırlanmış daha bir sahəsidir. 130 qonağın rahatlıqla yerləşməsini təmin edən genişlikdədir. 3 dəfə qidalanma zamanı isveç masası şəklində , Milli, Türk, Avropa və Şərq mətbəxinin təamlarından dada bilərsiniz.
Lobby Bar və mövsümə görə həm açıq , həm də qapalı şəkildə xidmətinizə veriləcək Terrasda təbiətin gözəlliyindən ilham alaraq çay dəstgahımızdan, müxtəlif kokteyl və içki, a la carte menyu və fast foodlardan sifariş verə bilərsiniz.